上回提要：老闆維基精選
守好公司保安，先可以放心發展生意。複習一下之前嘅實戰攻略：
- 中小企唔使做滲透測試？資訊保安專家：幾千蚊嘅基本測試 救得返你 50 萬嘅生意
- 離職員工仲睇到你公司啲客？【員工離職權限回收】一個簡單設定 等佢走咗都入唔到你系統
- Facebook 已死？老闆維基爆料：點解 SME 搞一年連一千 Like 都冇？
上個禮拜，觀塘一間做電子零件批發嘅老闆阿文，WhatsApp 收到一條訊息：
【順豐速運】你嘅包裹派件失敗，請點擊連結重新預約：
阿文心諗：最近係有批貨喺深圳寄緊過嚟，可能真係 派件失敗。佢冇諗咁多，就咁撳咗落去。
一個鐘後，佢公司嘅 Facebook 專頁、Google 廣告帳戶，全部登入唔到。 一個月後，佢計返條數：直接損失 + 生意影響 + 搵人搞返掂啲嘢嘅時間，冇咗差唔多十萬。
而一切嘅開始，只係嗰一下「撳落去」。
一、點解「順豐派件失敗」咁易中？騙徒手法拆解
呢類訊息叫 釣魚短訊 (Smishing)。騙徒最鍾意用「順豐」名義，因為我哋日日都寄件，收到「派件失敗」通常唔會懷疑。
但大家留意，順豐為咗保障大家，已經出咗最新政策：
順豐香港將減少 SMS 發送，所有快件自取訊息通知，將全部改為透過官方官方手機應用程式「SFHK APP」發放。
換言之，如果你仲收到要求你撳 Link 嘅「派件失敗」SMS，九成九係假嘅！
二、收到可疑訊息，老闆維基教你點睇真
阿文後悔話：「條 Link 睇落真係好似順豐。」 其實，只要你同同事養成呢兩個「保安習慣」，就可以避開呢十萬蚊嘅陷阱。
- 網址唔對路： 真順豐嘅網址只有
sf-express.com。如果後面多咗啲奇怪字（例如sf-express-hk.icu），100% 係假。 - 長按唔好篤： 喺手機見到 Link，長按佢，個手機會彈出真實網址 Preview。如果係奇怪網址，即刻刪除訊息。
- 認準官方 APP： 收到任何「派件失敗」通知，唔好理個短訊，直接開 SFHK APP 查。
三、如果同事已經「撳咗」，點樣止血？
如果你或者同事發現入錯資料，即時做呢三件事：
- 即時改密碼： 唔好用中招嗰部機改，用另一部乾淨嘅機改。
- 開雙重驗證 (2FA)： 這是最後防線，就算佢有密碼都入唔到你個 Account。
- 通知銀行與客戶： 凡係收到「改匯款戶口」嘅訊息，一定要親口 Confirm。
四、總結：你一撳，就係幫人開門
阿文而家喺公司貼咗張紙：「收到順豐派件失敗訊息，先問老闆，唔好自己撳。」
騙徒手法會變，核心不變：引你撳 Link。保護公司銀行戶口同客底，除咗靠自己小心，有需要可以搵專業嘅網絡保安團隊幫你做一次全公司保安審核，確保冇後門畀黑客入。
老闆維基語錄：
「急你嘅，即係呃你嘅。預防『派件失敗』騙案，認準官方 APP，長按網址唔好篤。」
