隨AI發展越趨成熟，大學生對人工智能如何影響就業的影響力越趨關注。香港大學今早（23日）舉行了「Career AIgnition Day」，邀請僱主向學生講述如何利用人工智能裝備自己，增加求職成功機會，吸引逾300名學生同時參加。
掌握最新加密市場動態與 AI （ChatGPT）新聞與資訊，請即追蹤 CFTime Facebook 及 Google 新聞！
講者之一，科技園公司人才及人力資源總監王秀麗就指：「現時普遍大學生都catch up得好快，最初尤其在香港一出ChatGPT，（學生）就好緊張」。她就指，使用AI，最重要的是學生「能唔能夠pick到啲啱嘅嘢嚟用」。
相關新聞：前Google新聞主管料：ChatGPT將取代記者！
職場社交平台LinkedIn香港及台灣地區總經理吳薇薇就指，公司研究發現，香港學生在學習不同有關人工智能方面，較其他地區多近兩成，反映香港年輕人代確實捉緊人工智能的步伐。
Microsoft合作夥伴總監謝佳文就指，旗下人工智能平台Azure AI，自去年起已提供予香港的大專院校使用，「喺學生踏入社會之前，有一個先行認知」。他提到，公司致力為學生提供人工智能道德標準指引，以及如何負責任地使用，「我認為所有嘅人都係需要呢個嘅認知。」
如何增加求職成功機會：思考力比硬知識更重要
在AI時代下，問到學生如何增加競爭力。謝佳文就指：「要科技對認知，唔好抗佢先，同埋個mindset係緊要，make sure you keep learning。」他續指：「學生用AI嘅時候，你要知道佢個purpose （目的），同埋potential有咩嘅risk，同埋點樣去緩解。」他明言，相比起「硬知識」（如coding），思考力及判斷力更為重要，「始終要靠個人去判斷AI係咪gen得啱，學生要有依個思想準備。」
王秀麗補充，現時AI仍未有足夠能力完全取代人類，「唔會咁容易取代到，因為AI整咗啲嘢，仲要靠人手分析、理解同應用。」
而有份參與講座，就讀語言學剛畢業的劉同學就指，今次講座獲益良多：「即使讀文科，其實AI都好有用，甚至可以提升入職嘅機會。」；而就讀商科的鄧同學就指，講座令她更了解HR的角度，怎樣看AI這個mega trends，可以更加清楚如何使用求職平台去找工作。
港大協理副校長（教學）趙寶貽補充，今次講座反應熱烈，證明學生了解到人工智能的重要性，校方未來除了會舉辦更多相關講座之外，未來亦希望每名學生在畢業之前，能夠滿足人工智慧基礎能力的基本要求。將來亦會投放更多資源在相關教學上，亦希望提供相關實習計劃，「俾同學知道依家工作係點樣改變。」
香港中文 
简体中文