上回提要：老闆維基精選
守好公司保安，先可以放心發展生意。複習一下之前嘅實戰攻略：
- 中小企唔使做滲透測試？資訊保安專家：幾千蚊嘅基本測試 救得返你 50 萬嘅生意
- 離職員工仲睇到你公司啲客？【員工離職權限回收】一個簡單設定 等佢走咗都入唔到你系統
- Facebook 已死？老闆維基爆料：點解 SME 搞一年連一千 Like 都冇？
「維基，我個密碼有大細楷、有符號、有成 16 位咁長，黑客唔通真係撞得破？」
前幾日同個做貿易嘅老闆傾偈，佢仲好自豪自己個密碼好難記。 我直接同佢講：「老細，而家黑客唔係『撞』你密碼，係去黑市『買』你密碼。只要你其中一個員工喺啲唔安全嘅網註冊過，個密碼流咗出嚟，你個 16 位長密碼就變咗廢紙。」
今日老闆維基同你講一件保命嘅事：雙重驗證 (Two-Factor Authentication, 2FA)。
一、 點解密碼已經唔可靠？
而家嘅黑客手段好高明：
- 釣魚 Email： 扮 Google 叫你 Log in，你自己乖乖交個密碼畀佢。
- 撞庫攻擊： 用你喺其他網站流出嘅密碼，去試你公司嘅 Email。
- 鍵盤記錄： 喺你電腦裝個小程式，你打咩佢睇咩。
只要有左以上任何一樣，你個密碼幾長都係死。
二、 雙重驗證：黑客最痛恨嘅「第二把鎖」
雙重驗證嘅原理好簡單：除咗你知道嘅嘢（密碼），仲要加上你擁有嘅嘢（手機驗證碼）。
就算黑客攞到你密碼，佢登入時，系統會要求輸入你手機 App (如 Google Authenticator) 嗰 6 位數。黑客冇你部手機喺手，佢只能夠喺門口乾等。
- 實戰案例： 我有個客，全公司開咗 2FA。有一晚佢手機突然彈出「登入要求」，佢先知原來自己個密碼已經外洩咗。因為有呢道防線，佢先可以喺黑客入屋前即刻改密碼，保住咗幾百萬嘅客戶合約。
三、 老闆維基推薦：邊種 2FA 最安全？
- SMS 驗證碼：（普通級）雖然好過冇，但黑客有機會截獲訊號。
- 手機 App (Authenticator)：（專業級）最強力推薦！唔使收訊號，每 30 秒跳一次，最難破解。
- 實體保安密鑰 (Security Key)：（銀行級）插喺電腦先開到，適合處理極敏感資料。
四、 總結：唔好怕麻煩，麻煩嘅係中招之後
好多員工會怨：「每次 Log in 都要睇手機好麻煩。」 我通常咁樣答佢哋：「麻煩 5 秒鐘，定係公司倒閉、大家冇糧出比較麻煩？」
如果你覺得設定全公司嘅 雙重驗證 好混亂，或者驚漏咗邊個環節。 我建議你諮詢 UDomain 專業網絡保安團隊。佢哋會幫你全公司做一次保安審計，確保每一道門都鎖得穩。
【中小企限時諮詢福利】 睇到呢度嘅讀者，如果你擔心公司網站或系統有安全漏洞，我可以直接為你對接我哋嘅保安顧問，安排一次初步需求評估。
老闆維基語錄：
「密碼係你嘅大門，雙重驗證係你個保險箱。門可以被撞開，但保險箱一定要有第二條匙。」
