收到「順豐派件失敗」短訊？老闆維基：撳錯一條 Link 冇咗十萬 呢啲學費唔好交！
上回提要：老闆維基精選 守好公司保安，先可以放心發展生意。複習一下之前嘅實戰攻略： 上個禮拜，觀塘一間做電子零件批發嘅老闆阿文，WhatsApp 收到一條訊息： 【順豐速運】你嘅包裹派件失敗，請點擊連結重新預約： 阿文心諗：最近係有批貨喺深圳寄緊過嚟，可能真係 派件失敗。佢冇諗咁多，就咁撳咗落去。 一個鐘後，佢公司嘅 Facebook 專頁、Google 廣告帳戶，全部登入唔到。 一個月後，佢計返條數：直接損失 + 生意影響 + 搵人搞返掂啲嘢嘅時間，冇咗差唔多十萬。 而一切嘅開始，只係嗰一下「撳落去」。 一、點解「順豐派件失敗」咁易中？騙徒手法拆解 呢類訊息叫 釣魚短訊 (Smishing)。騙徒最鍾意用「順豐」名義，因為我哋日日都寄件，收到「派件失敗」通常唔會懷疑。 但大家留意，順豐為咗保障大家，已經出咗最新政策： 順豐香港將減少 SMS 發送，所有快件自取訊息通知，將全部改為透過官方官方手機應用程式「SFHK APP」發放。 換言之，如果你仲收到要求你撳 Link 嘅「派件失敗」SMS，九成九係假嘅！ 二、收到可疑訊息，老闆維基教你點睇真 阿文後悔話：「條 Link 睇落真係好似順豐。」 其實，只要你同同事養成呢兩個「保安習慣」，就可以避開呢十萬蚊嘅陷阱。 三、如果同事已經「撳咗」，點樣止血？ 如果你或者同事發現入錯資料，即時做呢三件事： 四、總結：你一撳，就係幫人開門 阿文而家喺公司貼咗張紙：「收到順豐派件失敗訊息，先問老闆，唔好自己撳。」 騙徒手法會變，核心不變：引你撳 Link。保護公司銀行戶口同客底，除咗靠自己小心，有需要可以搵專業嘅網絡保安團隊幫你做一次全公司保安審核，確保冇後門畀黑客入。 老闆維基語錄： 「急你嘅，即係呃你嘅。預防『派件失敗』騙案，認準官方 APP，長按網址唔好篤。」