黑客唔 Hack 你系統，直接 Hack 你同事個腦？老闆維基：3 招防範「社交工程攻擊」！
上回提要：老闆維基精選 守好公司保安，先可以放心發展生意。複習一下之前嘅實戰攻略： 「維基，我請咗個 IT 專家，裝晒最新嘅防火牆同防毒軟件，公司保安實冇問題啦！」 好多老闆都係咁諗，以為錢解決到嘅技術問題，就唔係問題。 我直接同佢講：「老細，你防到黑客用電腦技術撞門，但你防唔防到黑客直接騙你同事開門？」 今日老闆維基同你拆解黑客最鍾意、最落地嘅攻擊方式：社交工程攻擊 (Social Engineering)。 一、咩係社交工程攻擊？ 講穿咗，社交工程攻擊就係「騙術」。 黑客發現，要攻破一個裝咗最新防禦系統嘅伺服器，可能要幾個月；但要呃一個忙緊嘅同事交出密碼，可能只要 5 分鐘。 佢哋唔係用程式代碼去 Hack 你系統，佢哋係用人性弱點去 Hack 你同事個腦。 二、3 種常見嘅「Hack 腦」騙術 1. 扮老闆出 Emergency Email (Business Email Compromise) 黑客會開一個同你（老闆）好似嘅 Email（例如把 boss@company.com 變成 boss@company-hk.com），然後 send 畀會計： 「我宜家喺機場開會，好急！快啲匯 $50,000 畀呢個供應商，否則筆貨會畀人扣起！返嚟先同你簽單。」 同事一見到老闆咁急，又驚做慢咗會畀人鬧，往往連電話都唔打個 Confirm，就直接匯咗錢。 2. 扮 IT 同事攞密碼 黑客打電話畀新同事或者 Reception： 「喂，我係 IT 部阿 Ben。我哋宜家做緊系統升級，需要你嘅密碼嚟確認個 Account 安全。你畀個密碼我，我搞掂佢。」 同事諗住…