公司保安必做三件事：今日放工前 set 好，唔好等黑客幫你執位！ | 老闆維基
上回提要：老闆維基精選 之前我哋講過 AI 應用同埋員工權限，未搞掂嘅老闆快啲補課： 老闆必做三件事：今日放工前，幫你間公司 set 好最基本嘅「公司保安」 「維基，我間公司仔得幾個人，唔通真係要每個月使幾千蚊買防火牆？」 好多老闆一聽到 公司保安，就覺得係大公司先玩得起嘅「燒錢遊戲」。 結果呢？根據統計，黑客最鍾意搵 SME 開刀，因為你哋嘅門口通常係「中門大開」。 今日唔講經，我直接畀三份指令你。 唔使請 IT，唔使買新機，今日放工前，叫你啲同事（連埋你自己）做晒呢三件事。 第一件事：強制開啟「雙重認證 (2FA)」 好多人仲係一組密碼走天涯。如果員工個 Email 密碼外洩咗，你公司所有客戶資料、合約、甚至銀行入錢嘅確認信，黑客都睇晒。 第二件事：檢查「離線備份」 好多老闆話：「我有 Back Up 呀，我插住個 Hard Disk 每日自動 Backup 㗎。」 聽住，如果黑客放勒索病毒入你部電腦，佢會連住你插住嗰個 Hard Disk 一齊加密埋。到時你個 Backup 就會變咗廢紙。 第三件事：清理「幽靈權限」 我之前講過，離職同事仲睇到你啲客，係 公司保安 嘅大忌。 好多時老闆太忙，舊同事走咗半年，佢個公司 Email 同 CRM 權限仲 active 緊。 總結：公司保安係「習慣」，唔係「支出」 阿文聽我講完，即刻叫全公司停工 15 分鐘搞掂晒呢三件事。 佢話：「原來唔係錢嘅問題，係我有冇要求大家去鎖門。」 今日放工前，你鎖咗門未？ 老闆維基語錄：…
