零失敗！ Live4Well新手遊玩攻略 5分鐘即賺積分換世界級培訓課程！

自2022年，「邊跑邊賺」等運動APP大行其道，但好多都涉及複雜嘅Web3程式，又要連加密錢包，搞得嚟都無心機跑，小編最近就搵咗個「港產」運動APP，每日玩一陣就可以儲到積分，仲可以用嚟換世界級培訓課程！最大賣點係由安裝到真正玩都只係5分鐘內，完全「零失敗」！即睇Live4Well新手遊玩攻略！

Live4Well係乜嚟？

作為亞洲首個健康和健身管理平台，Live4Well推出突破性「Fit and Earn 」概念，將現實世界同虛擬連接一齊。

作為都市人，每日返工訓教都佔據大部份時間，收工後緊係想用盡每分每秒！過去做運動只為keep fit，依家仲加埋「獎賞」功能，同一時間可以賺埋錢，完全符合現今都市人做乜都講求「效率」！

猶如24/7私人教練喺身邊

踏入2024年，香港「加」聲不斷，電費、交通、隧道、就連快餐都要加價，要慳得smart，可以由健身入手！

Live4Well 賣點之一，就係可以隨時隨地通過智能AI同動作捕捉技術進行針對性練習，猶如一個隨身24/7有個私人教練喺身邊，實現健身目標。

完成app內任務，就可以賺取Sweat points換取唔同獎勵，慳返一大筆。

想慳更多？升級VIV Pass 開啟更多實體獎賞

Live4Well就預告，即將推出VIV Pass，可以將Sweat points轉為$LV，開啟無限實體獎賞…而Live4Well合作伙伴包括24/7 Fitness、Gym Aesthetics、FIT24 Fitness同Anytime Fitness…

據了解，$LV可以換到運動服裝、著名健身教練課程，量身定制健身方案，甚至係體育賽事的門票！隨時賺上加賺！

首先下載 Live4Well程式並註冊帳戶

從 App store 或 Google Play 下載Live4Well應用程式，然後使用電郵註冊帳戶，並設置密碼，收到email打返個碼就可以

之後揀選適合自己嘅選擇，包括運動習慣、身高、體重等，創造加密貨幣錢包，放心！唔使連何嘢，抄低12個助記詞就可以

睇完簡單介紹，就會進入主介面（設置內可轉成繁體中文）

主畫面介紹

一開始能量為4，上限會隨等級提升，唔同挑戰將需要不同的能量。能量每日補充兩次，每次補充一半最大能量值（以新手為例，最好當然係每做完兩次再補充，咁就拎到最多次數）

不同挑戰

可揀選不同挑戰而賺取Sweat point，以深蹲為例，需要一格能量，進行挑戰時，記得去空擴少少地方，要全身被「捕獲」框架中、推薦將手機放喺地板上，並確保移動設置2米

如成功挑戰，就可以獲得相應Sweat point

消息介面

Live4Well定期都會舉辦限時活動，包括7天健身挑戰、盲盒抽籤等，記得定時觀看！

相關新聞