自ChatGPT面世後，人工智能相關產品如雨後春筍般湧現，但有港產Startup早已捷足先登，推出AI翻譯程式，成功搶先飲頭啖湯！香港初創公司譯谷為業界領先的人工智能（AI） 翻譯引擎之一，專攻於中英互譯財經文件，包括法定披露及審計報告工作。公司創辦人之一洪振東接受CFTime專訪時直言，AI創業其實係燒好多錢！
掌握最新加密市場動態與 AI （ChatGPT）新聞與資訊，請即追蹤 CFTime Facebook 及 Linkedin！
譯谷三位創辦人都是專業人士，包括香港大學計算機科學系榮休教授錢玉麟（Francis）、他太太前瑞銀分析員陳敏兒博士（Beth），以及與從事財經印刷、翻譯界工作逾20年的洪振東。洪振東表示，2017年他在一個商會活動中，認識了錢玉麟夫婦，「當時教授幫緊恆生大學研發一個IT項目，拎咗政府資助，當時我對AI都好興趣，於是決定合作。」至翌年，三人與大學對於項目發展方向出現分歧，於是決定自立門戶開設現時的公司。
譯谷洪振東：我哋希望可以做得到個project，證明香港真係有科研
「我哋希望可以做得到個project，證明香港真係有科研，可以落到地，而唔係做出來一張paper！」洪振東笑指，三人都已屆退休年齡，「我經常講我哋好有趣，咁大年紀，都唔需要創業，但覺得這件事會有效，很快就決定投資落去。」
至2019年時，當時市場仍未認識ChatGPT、LLM，洪振東指 :「當時我們經常諗，點樣用AI去做一啲落到地嘅事。」而他本身的工作就是財經翻譯，「我覺得定位係很重要嘅嘢，定位就係要人認出自己，因為同樣係用技術，不如喺一個專業水平範圍內，得比其他人好。」
看更多：前Google新聞主管料：ChatGPT將取代記者！
問到AI創業最辛苦的地方，洪振東坦言：「其實要燒好多錢！」，「做科研永遠都係咁，好財依個範圍現時發展得唔錯。」
不少人都對財經翻譯充滿疑問：「用google translate就可以，為何要再花費？」洪振東解釋，「譬如財經文件上面，有啲字眼使用方法，Consistency（一致性）等等要求，唔一樣先可以Differentiated。」，他補充：「企業對翻譯要求越來越高，只要那些專業的AI Tool，先可以處理唔同問題。」
創業初期就預上了疫情，洪振東指實際影響不大，「因為公司基數幾乎係零，無論任何嘢喺零以上都係一模一樣」，他指出，疫情的確影響了整體經濟，但對公司來說反而認為是一個優勢：「正正因為市場萎縮，大家對成本效益越來越重視，A.I. 同任何科研一樣，就是幫助人家用更少嘅錢，去做更多嘅事」，「多數人由唔接受到開始考慮，到慢慢接受，其實我覺得對我們有正面影響。」
近兩年港股IPO市場一般，洪振東坦承整體市場的確萎縮不少，但由於目前譯谷的規模不算太大，影響相對較少，「加上聯交所已經開始go paperless，對platform的紀錄化」，對生意有幫助。而譯谷近年亦開始進軍內地及台灣，「其實台灣喺2024年，ESG及年報都要求用雙語。」他續指，慶幸公司在台灣找到一位新拍檔，很快就開始擴充當地市場；至於內地市場方面，近年不少公司都希望在海外上市，翻譯需求亦得而提升。
他指出，中文翻譯市場價值達40多億美元，市場需求大，近日更有客戶要求「中譯中」，「正如有些內地客戶都唔知你中文寫乜，唔係簡繁問題，我們都喺依方面轉移。」
問到AI日後會否完全取代人手翻譯，洪振東就指「科技會取代部份工種，例如依家唔會見到有馬車在街上行。」他認為，初級翻譯會有較大的影響，「其實大家將工作模式改變咗，可以做到更多其他嘢；有啲工種就會無咗。」他亦預言，日後就讀文科會比理科更有優勢，「用得好 AI 的話，要好很 descriptive 你嘅嘢，其實文字需求係好高。」
洪振東明言，公司今年的目標是擴大台灣市場，另外會與其他公司合作推出語音和文字的翻譯，並積極尋求融資。而他亦料，至3月財政年公司有望達成首次盈利，直言希望可以在收入上「翻一番！」
简体中文 
香港中文