提到AI，不少人都會聯想ChatGPT、生成式人工智能、甚至取代人類工作，但又有沒有想過，AI可以幫人類最好的朋友渡過難關？數年前大學畢業的蕭卓詠（Eugene），在一大型快速消費品（FMCG）公司工作約六年，數年前疫情期間，萌生創業念頭，「就算轉工，都好機會做啲類似嘅嘢，不如就試吓（創業）！」決定聯同Oscar「姊弟檔」一同創立Petalife，更由寵物用品轉型至創「check便便」程式。
即加入CFTime TG 讨论区！想掌握最新加密市场动态与 AI 新闻与资讯，更能随时获得免费 web 3入场券！CFTime Whatsapp 討論區！仲有 CFTime Facebook 同 Thrades！
Petalife目標「令寵物嘅壽命長啲」
自小有養寵物的Eugene，有感護膚品多被大型企業瓜分市場，競爭巨大，反而寵物市場更有潛力，於是創辦寵物護理產品公司Petalife。
Eugene及Oscar接受CFTime專訪時提到，「我哋核心價值都係希望寵物健康啲，令佢哋嘅壽命長啲。」Eugene 寵物網店經營一年多，「當時覺得淨係做產品，可能做極都咁上下，或者只係有香港市場」，乘AI熱潮，剛巧Oscar有自學AI，就打算嘗試將AI元素加入生意當中。
公司一開始以寵物皮膚為目標，但不被獸醫看好「佢哋其實好唔鐘意呢個構思，覺得手機唔可能可以代替獸醫」，加上當時技術未成熟，於是決定轉至寵物的「便便」。
手機內藏大量「便便相」
AI要準確，就需要用上大量相關照片「學習」，訪問途中，蕭澤霖就向記者展示手機內大量的「便便相」，「最開始嘅時候，（來源）緊係身邊朋友、家人，之後就開始搞線上下活動。」成功吸引寵主提供大量照片。
蕭澤霖表示，現時AI已學習逾8,000張相片，準確率達八成六，「依家貓狗都用到，亦都可以分到人同動物嘅便便。」。他就指，「起碼要九成以上先叫做見得人」，目標為多約2,000張相片。
AI程式證虛驚一場 朋友感激「幫咗佢唔少」
蕭卓詠續指，試過有朋友上載照片「見隻狗突然屙啲橙色，嗰晚仲要好夜，佢就好驚。」之後應用程式問了數條問題，「當中包括食咗啲咩呀，最後就發現原來係食咗蘿蔔，因為狗狗消化唔到，只係虛驚一場。」「當時已經12點，冇獸醫睇，佢就多謝個app幫咗佢唔少，等佢嗰下即係放心啲。」
蕭澤霖就指，網上有不少的資源，自學AI「其實唔難」，問到訓練AI檢測大便的外形是否有一定難處，他就指是基於其外形、軟硬度和顏色。而照片始終是非立體，又如何做到分類？他就指現實獸醫都是憑肉眼去檢測，「用眼睇到嘅嘢，AI 當然是可以做到更準確。」
除了便便外，現時蕭澤霖亦研發如何用AI檢查寵物的不同部位，而蕭卓詠亦會探索與不同的公司合作，如舉辦大型寵物健康活動等。
準備與獸醫診所、寵物保險等合作
現時Petalife的團隊增至4人，蕭卓詠坦言，至今仍在考慮如何將寵物食品及AI連繫，問到如何維持公司現金流，她就指「薪水就一定要出少一點，（團隊）一定多一啲，惟有自己就慳少少。」
至於持有大量的數據，之後會如何使用，蕭卓詠稱仍在考慮中，「我哋依家都同好多機構傾，發現都有好多唔同嘅可能性。」包括獸醫診所、寵物保險等，而是否結合檢測結果於寵物食品中，她就只是計劃之一。她亦坦言，現實中大型企業要獲得這些數據難度並不高，「如果只係拎數據嚟賣，有啲不設實際」。
坦言可支的月薪「一定比唔上正職」
蕭卓詠坦言，當時寵物網店自己可支的月薪「一定比唔上我正職」，她笑指，原本儲下來的資金打算置業，反觀現時樓市走勢，「都慶幸自己沒有（上車）」。
AI現時設測試階段，狗主只要經簡單測試，就可以收到專用應用程式下載連接，上載狗隻照片後，可即時收到簡單的分析結果。
最近不少大學畢業生投入市場，相信當中不少都會打算創業，問到二人有什麼心得可以分享，蕭澤霖就指「科技每一日都不同，每一日都在變，唔學就唔會懂，所以我覺得就算那樣東西自己幾熟都好，都可以學習，學習不同人的其他想法」；蕭卓詠就指：「最好找一些自己喜歡的東西，因為創業的路是真的很難行很困難，如果你沒有一樣很強的心思去支撐著你，應該很快會想放棄。」
而香港正面對零售寒冬，蕭卓詠自言當時及時轉型，「會睇到（離港消費）誘因會大咗，如果冇轉型，好大可能要搵返正職！」她認為，現時不同的生意都可以引入AI，「尤其係有數據嘅公司，如客戶服務。」認為老闆在逆市期間，可以利用更多時間，用AI來轉型。
简体中文 
香港中文